Information in Georgian
საჩივრის შემოტანა წესების დაცვით
თუ თქვენ გადაწყვეტთ საჩივრით მიმართოთ სასამართლოს, აუცილებელია, უპირველეს ყოვლისა, დარწმუნდეთ, რომ თქვენი საჩივარი სასამართლოს რეგლამენტის 47 ე წესის მოთხოვნებს აკმაყოფილებს. ეს უკანასკნელი განსაზღვრავს თუ რა სახისა და მოცულობის ინფორმაცია და საბუთები უნდა გამოაგზავნოთ სასამართლოში.
სასამართლოს რეგლამენტის 47-ე წესის 1-ლი და მე-2 პუნქტებით განსაზღვრული ინფორმაციისა ან საჭირო საბუთების მოუწოდებბლობის შემთხვევაში, სასამართლო თქვენს საჩივარს განსახილველად არ მიიღებს. შესაბამისად, აუცილებელია საჩივრის ფორმის ყველა უჯრა შეავსოთ.
მუხლი 47 ინსტრუქცია საქმეების წარმოების შესახებ (ინგლისური ვერსია)
სასამართლო ყველა სრულ და სწორად შევსებულ საჩივრის ფორმას განიხილავს, რაც არ ნიშნავს, რომ ამ საჩივრების მისაღებობის საკითხი დადებითად იქნება გადაწყვეტილი.
პერსონალურ მონაცემთა დაცვა (მხოლოდ ინგლისურ ენაზე)
სასამართლოსთვის საჩივრით მიმართვა
საჩივრის ფორმა უნდა გადმოტვირთოთ, შეავსოთ, ამობეჭდოთ და საჭირო საბუთების თანხლებით სასამართლოს გამოუგზავნოთ ფოსტით. საჩივრის ფორმის სხვა ვერსია არ გამოიყენოთ. საჩივრის ფორმის სწორად შესავსებად, იხილეთ ქვემოთ ჩამოთვლილი სხვა საბუთები.
სასარგებლო ბმულები
ინფორმაცია და საბუთები მათთვის, ვის საქმესაც ევროპული სასამართლო განიხილავს.
საქმის მდგომარეობის სამძებრო სისტემა
საქმის მდგომარეობის სამძებრო სისტემა SOP (State of Proceedings) საშუალებას იძლევა შივიტყოთ, თუ რა მიმდინარე პროცედურულ ეტაპზე იმყოფება საჩივარი.
სასარგებლო დოკუმენტები
ოფიციალური ტექსტები
კითხვები და პასუხები
სექცია „კითხვები და პასუხები“ შეიცავს ინფორმაციას მომავალი მომჩივნებისთვის.
თქვენი საჩივარი ადამიანის უფლებების ევროპულ სასამართლოში
ეს ბროშურა, რომელიც სასამართლოს მიერ საჩივრის შესწავლის სხვადასხვა ეტაპს აღწერს, განკუთვნილია მომჩივნების იმ ძირითად კითხვებზე პასუხების გასაცემად, რომლებიც მათ სასამართლოსთვის საჩივრის გაგზავნის შემდგომ.ეტაპზე შეიძლება გაუჩნდეთ.
მისაღებობის კრიტერიუმების სახელმძღვანელო
მისაღებობის კრიტერიუმების პრაქტიკული სახელმძღვანელო ძირითადად განკუთვნილია იურისტებისთვის, ვისაც სასამართლოში საჩივრის შემტანა სურთ. მასში აღწერილია საქმის მისაღებობის კრიტერიუმები, რომლებსაც საჩივარი უნდა აკმაყოფილებდეს.
საქმეების განხილვის სქემა
მოცემული სქემა ასახავს საქმის წარმოების პროგრესს სასამართლო ფორმირებათა მიხედვით.
საქმის წარმოების გამარტივებული სქემა სასამართლო ფორმირებათა მიხედვით
ვიდეო საჩივრის შეტანის შესახებ
მიუხედავად იმისა, რომ ეს ვიდეო სასამართლოში შესატანი საჩივრის ფორმის სწორად შევსების პროცესის ძირითად პუნქტებს განმარტავს, რეგლამენტში შესული ბოლო ცვლილებების თანახმად, მასში მოყვანილი ინფორმაცია მცირედ განახლებას საჭიროებს.
ვიდეო „სასამართლოში საჩივრის შეტანა სათანადო ფორმით“
ვიდეო საქმის მისაღებობის კრიტერიუმების შესახებ
ეს ვიდეო განმარტავს სასამართლოში შესატანი საქმის მისაღებობის ძირითად კრიტერიუმებს.
ფილმი ადამიანის უფლებათა ევროპული სასამართლოს შესახებ
ფილმი გათვლილია ფართო აუდიტორიაზე და მასში განმარტებულია თუ როგორ მუშაობს სასამართლო, რა გამოწვევებს აწყდება ის ამ პროცესში და სასამართლოს პრეცედენტული სამართლიდან აღებული მაგალითების საშუალებით აჩვენებს, თუ რა არის მისი საქმიანობის სფერო.
დროებითი ღონისძიებები
რა არის დროებითი ღონისძიება?
მას შემდეგ, რაც სასამართლო საჩივარს მიიღებს, მან შესაძლოა სახელმწიფოს მოსთხოვოს ცალკეული დროებითი ღონისძიებების გატარება მანამდე, სანამ სასამართლო საქმეს განიხილავს. ხშირად, ამგვარი ღონისძიებები მოიცავს სახელმწიფოსადმი მოთხოვნას, თავი შეიკავოს გარკვეული ქმედებების განხორციელებისაგან - მაგალითად, არ დააბრუნოს პირი იმ ქვეყანაში, სადაც იგი, სავარაუდოდ, სიკვდილის ან წამების საფრთხის წინაშე აღმოჩნდება.
მოთხოვნა დროებითი ღონისძიებების შესახებ (ინსტრუქცია)
ზოგადი პრეზენტაცია (ინგლისური ვერსია)
სასამართლო დროებითი ღონისძიების შესახებ მოთხოვნას მხოლოდ მკაფიოდ განსაზღვრულ პირობებში აკმაყოფილებს. კერძოდ, მაშინ, როდესაც კონვენციის სერიოზული დარღვევის საშიშროება არსებობს. სასამართლოში შემოსულ დროებით ღონისძიებათა შესახებ მოთხოვნების უმრავლესობა უსაფუძვლოა და, შესაბამისად, სასამართლო მათ არ აკმაყოფილებს.
სასარგებლო ბმულები
ფაქტობრივი მონაცემები დროებითი ღონისძიებების შესახებ (ინგლისური ვერსია)
დროებით ღონისძიებათა სტატისტიკა (მხოლოდ ინგლისურად)
დროებითი ღონისძიებები მოპასუხე ქვეყნებისა და გადაცემის/ექსტრადიციის დანიშნულების ქვეყნების მიხედვით (მხოლოდ ინგლისურად)